Од Прифатилиштето за напуштени животни на Град Загреб – Думовец објавија дека, благодарение на нивните ветеринари и ветеринарни техничари, Вилс успешно се опоравува.

Секого го пречекува мавтајќи со опашката

Иако поминал низ тешко искуство кое кај многу животни би ја разнишало довербата во луѓето, Вилс не ја изгубил својата приврзаност.

„Благодарен им е на оние кои го пронашле и на сите кои се вклучиле во грижата за него. Се радува и на непознати луѓе! Секогаш кога некој ќе помине покрај неговиот простор, Вилс го поздравува со мавтање на опашката и ја бара раката за галење. Со секое свое движење покажува колку е приврзан и благодарен“, порачале од Думовец.

Сега му недостига само дом

Иако неговите повреди наскоро ќе заздрават, во Думовец се надеваат дека наскоро ќе го пронајдат и неговиот дом за цел живот.

„Му треба човек кого ќе го сака повеќе од сè на светот! Погледнете во неговите зелени очи и обидете се да процените дали тој е вистинскиот миленик за вас“, порачале тие.