Полицијата уапси осум лица во акција во Скопје и Тетово, при што пронајде дрога кај приведените. Дел од акциите беа спроведени на повеќе локации во Скопје, а дел и во селото Камењане, соопшти Министерството за внатрешни работи.
Осум лица биле лишени од слобода во текот на изминатото деноноќие во одделни полициски акции спроведени во Скопје и тетовско, откако кај нив била пронајдена дрога, соопшти Министерството за внатрешни работи.
Во Скопје, на повеќе локации, полициски службеници од СВР Скопје ги привеле Ј.Ч. (47), А.Б. (19), Ф.Р. (27), Н.К. (19), М.О. (26), сите од Скопје, како и В.М. (35) од селото Морани. При преглед кај нив биле пронајдени и одземени кафеава прашкаста материја, бела прашкаста материја и марихуана.
Во посебна акција, на 26 јули околу 01:45 часот во селото Камењане, полициски службеници од Полициското одделение Камењане ги лишиле од слобода Б.И. (21) и О.М. (18), двајцата од Тетово. Кај нив, исто така, биле пронајдени бела прашкаста материја и марихуана.
Приведените биле задржани во полициска станица, а по целосното документирање на случаите против нив ќе бидат поднесени соодветни пријави.
