Во неделата официјално беше спуштена завесата на 23. Светско фудбалско првенство кое заврши со триумф на Шпанија која во големото финале беше подобра од Аргентина со 1-0 со погодок во продолженијата.
Со ова беше комплетиран уште еден голем настан кој беше специфичен поради доста причини меѓу кои и најголемиот број на учесници (48).
Сега вниманието постепено се насочува кон клупската сезона и летниот преоден рок, но во меѓувреме време е за една љубопитна статистика – кои клубови произвеле најмногу светски шампиони во историјата на турнирот?
Статистиката вели дека тука доминираат италијанските екипи кои имаат три претставници во топ 5 и тоа Јувентус, Интер и Рома. Во најдобрата петка се уште Барселона и Баерн Минхен.
На првото место е Јувентус кој испорачал дури 28 играчи како светски шампиони.
