Експертите веруваат дека Џимоти има ретка состојба позната како синдром на краток ’рбет (Short Spine Syndrome), поради која изгледа значително пониско и позбиено од другите ракуни.

И покрај оваа деформација, се чини дека Џимоти е целосно здрав и многу активен, а во последните недели неколкупати бил забележан во различни делови на Балард.

Видеоснимките од овој необичен ракун, кои соседите ги објавија на социјалните мрежи, собраа милиони прегледи. Без разлика дали претрчува улица или се прикрадува во нечиј двор во потрага по храна, Џимоти стана локална ѕвезда.

Зошто Џимоти изгледа поинаку?

Се претпоставува дека Џимоти има деформитет на ’рбетот поради кој неговото тело е значително пократко отколку кај повеќето ракуни. Се верува дека боледува од редок синдром на краток ’рбет, кој ги компресира пршлените и создава впечаток дека животното речиси воопшто нема врат.

Иако изгледа необично, се чини дека тоа не го спречува нормално да функционира. Според досегашните набљудувања, успешно пронаоѓа храна, се движи без поголеми тешкотии и сосема добро се снаоѓа во својата природна средина.

Каде може да се види?

Џимоти најчесто бил забележуван во населбата Балард во Сиетл, каде што жителите го снимиле со мобилни телефони и домашни безбедносни камери.

Не е познато кој дел од населбата најчесто го посетува, но наводно повеќепати бил забележан во близина на улицата „Northwest 50th Street“. Откако стана вирален, многумина доаѓаат во Балард со надеж дека ќе го видат и ќе го снимат.

Еден од жителите, Дмитриј Ишимски, изјавил за „Storyful“ дека Џимоти редовно доаѓа во неговиот двор.

„Обично седи на оградата или копа низ дворот барајќи храна“, изјавил Ишимски.