Гилјермо Мемо Очоа беше дел од уште еден голем настан, а со тоа остана на иста линија со Лионел Меси и Кристијано Роналдо, тројца асови со по шест учества на Светските првенства.
Меѓутоа токму овој мундијал воедно е последниот активен „танц“ на Очоа на терените затоа што одлучи да и стави крај на кариерата во 41 година од животот.
Последниот настап во кариерата го имаше на натпреварот против Чешка (3-0), кога влезе во игра во 76. минута и беше испратен со овации од сите присутни навивачи.
- Дадов сè од себе; оставив сè на теренот за моите клубови и репрезентацијата, а денес ги закачувам ракавиците. Да се биде голман значи да знаеш дека може да чекаш 90 минути за еден момент кога сè зависи од тебе. И кога ќе дојде тој момент, не можеш да се двоумиш.
- Никогаш не замислував колку далеку може да ме однесе еден сон. Денес, можам само да се осврнам наназад со гордост и да кажам: Ви благодарам. Ја носам со себе љубовта на милиони и мирот во умот што доаѓа со сознанието дека дадов сè за Мексико, - порача Очоа.
Nunca imaginé hasta dónde podía llevarme un sueño.
— Guillermo Ochoa (@yosoy8a) July 21, 2026
Hoy solo puedo mirar atrás con orgullo y decir: GRACIAS
Gracias a mi familia. Gracias a mis compañeros. Gracias a cada aficionado que estuvo presente en cada etapa del camino.
Me llevo el cariño de millones y la tranquilidad… pic.twitter.com/TY2DaflSBd
