Принцот Хари и Меган Маркл наводно размислуваат за враќање во Велика Британија, четири години по преселбата во Калифорнија. Според новите информации, парот планира промена на насоката по одлуката да се повлече од кралските должности, а како прв чекор во тој план се споменува нивниот нов дом во Португалија.

Неисполнети очекувања во Америка

Војводата и војвотката од Сасекс се преселија во јужна Калифорнија во 2020 година. По неодамнешната посета на Велика Британија во јули, за време на која нивните деца Арчи и Лилибет се сретнаа со својот дедо, кралот Чарлс, парот наводно почнал да го преиспитува животот во Соединетите Американски Држави.

„Сѐ повеќе се создава впечаток дека Хари стана донекаде непожелен во Америка. Тоа е значајна промена во расположението“, открил пријател на принцот Хари и додал дека и двајцата се свесни оти нивното влијание во Холивуд слабее.

Иако постигнаа деловни успеси, вклучувајќи го и договорот со „Netflix“ вреден 100 милиони долари, извори тврдат дека и Меган се чувствува како аутсајдерка во калифорниското општество. Поради тоа, таа целосно ја поддржува идејата за повторно зближување со семејството на Хари.

„Англија е местото на кое срцето на Хари отсекогаш му припаѓало. Не е тајна дека заминаа во Америка за да се обидат да ја искористат неговата слава и кралскиот статус, но Меган чувствува дека стана прилично тешко да се пласираат нови идеи и проекти. Можеби сега поминало доволно време за некакво враќање“, тврди добро упатен извор.

Вилата во Португалија како европска база

Сепак, враќањето нема да се случи веднаш. Парот вложил милиони во вила во Португалија, која треба да им послужи како привремена европска база. Според достапните информации, Меган за уредувањето на ентериерот го ангажирала познатиот „Soho House“, а главната цел е децата да бидат поблиску до своето кралско семејство.

„Хари е многу горд Британец и сака да биде во Англија, но Португалија би можела да им послужи како идеална почетна точка во следните неколку години“, објаснуваат пријатели на парот. Тие сметаат дека тоа е куќата со која „конечно стапнаа на вистинската страна од Атлантикот“.

Подобрување на односите со кралот Чарлс

Важна улога во целата ситуација би можел да има и самиот крал Чарлс. Откако на почетокот на јули се сретнале на чај во Хајгроув, извори блиски до палатата наведуваат дека кралот и неговите внуци редовно комуницираат преку видеоповици, но дека неодамнешната средба била нивниот прв вистински контакт. Пријателите на Хари се уверени дека тој никогаш не сакал целосно да се оттурне од семејството, туку дека неговите одлуки биле водени од чувствата кон Меган.

„Мислам дека, кога беше лудо вљубен, можеше да биде доволно заслепен за да ја избере неа на сметка на семејството. Сега работите се поинакви и тој превез полека се крева“, заклучува неименуваниот извор.

Се очекува принцот да се врати во Велика Британија веќе во септември, поради учество на хуманитарен настан.