Стјуардите на Формула 1 трката во Силверстоун имаа работа и по завршувањето на трката, носејќи одлуки за неколку отворени истраги поврзани со случувањата на патеката.
Стјуардите на Формула 1 трката во Силверстоун имаа работа и по завршувањето на трката, носејќи одлуки за неколку отворени истраги поврзани со случувањата на патеката.
Луис Хамилтон се извлече без казна поради наводното непочитување на жолто знаме, бидејќи истрагата покажала дека навреме не добил соодветна информација, а казни отпосле добија Ленс Строл и Карлос Саинц.
Строл е казнет со пет секунди поради напуштање на патеката, додека казната за Саинц е многу поинтересна и во најмала рака невообичаена.
Шпанецот од редовите на Вилијамс е казнет затоа што по грешка се вклучил во болидите кои по официјалното правило треба да го претекнат безбедносното возило еден круг пред тоа да се повлече од патеката.
Саинц го направил тој потег иако не бил дел од групата на која се однесувала наредбата од дирекцијата на трката, па на крајот стјуардите му доделија казна од еден круг, што значи дека место на дванаесеттото место, тој во конечниот пласман на британското гран-при го освои седумнаесеттото место.
Стјуардите на ФИА објасниле дека недоразбирањето настанало поради специфичната конфигурација на патеката, односно конфузијата кај тимот и возачот се случиле затоа што тој не заостанувал цел круг откако излегол од боксот додека на патеката беше присутно безбедносното возило.
