Градоначалникот на Општина Чаир Изет Меџити се сретна со каратистката Рудина Алиу која освои бронзен медал на Светското универзитетско првенство во карате во Бразил и ја честиташе за нејзиниот успех, потенцирајќи ја важноста од поддршка на младите таленти за иднината на заедницата.
Градоначалникот на Општина Чаир, Изет Меџити, имаше средба со каратистката Рудина Алиу, која го освои бронзениот медал на Светското универзитетско првенство во карате, одржано во Бразил.
По тој повод, Меџити ѝ честиташе на Рудина за извонредниот успех, истакнувајќи дека успесите на нашите спортисти се најдобрата промоција на Чаир и на државата на меѓународната сцена.
„Чаир продолжува да создава шампиони. Секој медал освоен од нашите спортисти е гордост за сите нас и мотив за младите генерации. Ќе продолжиме да ги поддржуваме нашите таленти, бидејќи вложувањето во младите е вложување во иднината,“ истакна Меџити.
