[ФОТО] Двојни аршини на мундијалот: „Винисиус правилото“ важи за Алмирон, но не и за Белингам

Алмирон ја покри устата со својата рака и според правилата доби директен црвен картон, но се ќе беше во ред ако вчершаниот меч не донесеше идентичен пример, во кој сепак не беше употребена најстрога казна.

Парагвајците ова попладне доставиле официјална жалба до ФИФА за двојните аршини, а во документираниот случај е испратен доказ со фотографија од Џуд Белингам.

Англиската ѕвезда вчера влезе во клинч со Џордан Ају и му дофрли нешто со прекриена уста, но не само што не доби исклучување, туку тој помина и без жолт картон.

Фактот што за Џуд не беше употребено ново „Винисиус правило“ предизвика голем револт во спортската јавност, а отвори и дебата околу колку е логично самото применување на ова правило.