Градбата на автопатот Гостивар - Букојчани напредува со силно темпо, при што се заобиколува популарната локација Стража. Александар Николоски го истакна значењето на овој проект и сподели детали и фотографии од градежните активности.
Автопатот Гостивар -Букојчани на Коридор 8 се гради со силно темпо, напиша на својот фејсбук профил, заменик претседателот на Владата и министер за транспорт, Александар Николоски и објави фотографии од изградбата.
„Одличен напредок во изградбата на автопатот Гостивар – Букојчани (заобиколување на популарната Стража).
Трасата се пробива со силно темпо, а истовремено се работи на поставување на столбовите за виадуктите.
Се работи на 4 моста и еден натпатник, еден мост е целосно завршен.
Ја градиме Македонија“, напиша Николоски.
