Според објавените фотографии, килограм праски и кајсии чини околу едно евро, додека нектарините се 1,5 евра. Љубителите на цреши ќе платат околу две евра за килограм големи црвени плодови.

Кога станува збор за зеленчук, доматите се продаваат за околу 1,20 евра за килограм, додека пиперките и модрите патлиџани се околу 1,50 евра.

Објавата предизвика бројни реакции на социјалните мрежи, при што многу корисници истакнуваат дека за околу дваесет евра може да се купи голема количина свежи намирници.

„За 20 евра полна вреќа“, е еден од коментарите што се издвои.

За споредба, цените на поединечните производи во Македонија моментално се на слично или дури и повисоко ниво. 

За многу туристи кои одмараат во Северна Грција, купувањето на локалните пазари останува еден од најдобрите начини да се набави свежо овошје и зеленчук по прифатливи цени.

Каква е состојбата во маркетите? 

Официјалните податоци од големите грчки малопродажни синџири покажуваат различна структура на цените во споредба со отворените пазари, при што производи како што се увезено овошје, маслиново масло и одредени млечни производи имаат повисоки цени.

Ова се евидентираните цени на основните прехранбени производи и хемиски производи на локалните пазари:

Зеленчук и овошје во маркетите (по килограм):

✓Бел компир: 0,80 евра;
✓Морков: 0,90 евра;
✓Јаболко: 1,01 еврo;
✓Лубеница: 1,85 евра;
✓Тиквички: 2,10 евра;
✓Диња: 3,30 евра;
✓Домат: 3,45 евра;
✓Слива: 3,70 евра;
✓Брокула: 3,78 евра;
✓Јагоди: 3,99 евра;
✓Праски: 5,89 евра;
✓Нектарина: 5,98 евра;
✓Краставица (парче): 0,52 евра;

Основни прехранбени производи, млечни производи:

✓Брашно (1 кг): 1,12 евра;
✓Јогурт (помало пакување од 220 г): 1,20 евра;
✓Флаширана вода (1,5 литри): 1,45 евра;
✓Чипс (пакување од 140 г): 1,55 евра;
✓Чоколадно млеко (1 литар): 1,72 евра;
✓Млеко (1 литар): 1,98 евра;
✓Сончогледово масло (1 литар): 2,15 евра;
✓Пакување од 10 јајца: 2,99 евра;
✓Чоколаден намаз (пакет од 570 гр): 5,17 евра;
✓Средство против комарци: 8,18 евра;
✓Маслиново масло (кофа од 4 литри): 27,92 евра.