На фотографиите и снимките од местото на настанот се гледа како пожарникарите, опремени со заштитна опрема и маски, влегуваат во густ црн чад за да сечат делови од кровната конструкција и да ги гаснат жариштата од внатрешноста на објектот.

Според зборовите на очевидците, пожарот зафатил повеќе локали, но најголем проблем претставува кровниот дел од зградата, кој и натаму тлее и гори. Поради тоа, над Нов Белград сè уште се издига голем столб од чад, видлив од бројни делови на градот, пишува „Telegraf“.

Нема повредени

Пожарникарите настојуваат да го запрат ширењето на пожарот кон преостанатите поврзани објекти во низата. Според официјалните информации, засега нема повредени лица.

До жителите на околните згради повторно е упатен апел да не ги отвораат прозорците поради чадот. Сообраќајот на улицата Јуриј Гагарин, на која се наоѓа трговскиот центар, се одвива забавено. На местото на настанот се наоѓаат и екипи на Итната медицинска помош, кои дежураат од претпазливост.