Во Париз е извршен напад со нож каде три жени биле нападнати, а две сериозно повредени. Мажот кој извршил напад бил приведен, а полицијата истражува мотивите зад насилството.
Француската полиција привела маж кој нападнал три жени со нож во близина на парискиот кварт Порт де Клиши, објави министерот за внатрешни работи Лоран Нуњез.
Мажот нападнал три жени на возраст од 19, 24 и 36 години со два кујнски ножа, при што сериозно повредил две од нив, изјави министерот.
„Алах ми нареди да го направам ова“, вели потиснатиот маж, по објавените снимки на социјалните мрежи.
Нуњез откри дека човекот бил совладан и приведен од полицаец кој не бил на должност.
„Му оддавам признание, тоа беше храбар чин“, додаде тој.
Мотивот за нападот останува непознат, рече Нуњез, додавајќи дека полицијата не можела да го потврди идентитетот на напаѓачот, чии изјави за време на апсењето биле „некохерентни“.
