Жена на возраст од 57 години починала ненадејно додека била на работното место во основно училиште во селото Црешево, а телото е дадено на обдукција за утврдување на точните причини за смртта.
Педесет и седумгодишна жена починала во основно училиште во селото Црешево, скопско, каде што била вработена, соопшти Министерството за внатрешни работи.
Случајот бил пријавен во СВР Скопје на 9 јуни околу 11:35 часот. Според пријавеното, на В.Ѓ. (57) ненадејно ѝ се слошило додека била на работното место, по што починала.
Лекар од Итната медицинска помош констатирал смрт без видливи траги на насилство.
По наредба на јавен обвинител, телото на починатата е дадено на обдукција за утврдување на точните причини за смртта.
