Силно невреме во јужна Холандија предизвика голема штета во градовите Бокстел и Рамсдонк, каде едно дрво уби возач на автомобил, а силниот ветер оштети кампери и шатори. Метеоролошкиот институт издаде жолто предупредување за продолжени врнежи и грмотевици.
Силно невреме на југот на Холандија собори дрво кое падна врз автомобил и го уби возачот во Бокстел, а градот што падна во покраината Северен Брабант предизвика голема штета на камп во Рамсдонк, објавија денес локалните власти.
Комуналната служба во општина Бокстел објави дека возачот во тој град бил убиен од скапано дрво во вторникот попладне, кое било соборено врз автомобилот од силен ветер, и дека сите високи дрвја во областа ќе бидат проверени за да се провери дали се во опасност од паѓање, објавува „NL Times“.
Во кампот Де Бонте Крај во Рамсдонк, град ги исрши покривите на камперите и речиси сите шатори беа срушени.
Холандскиот метеоролошки институт (KNMI) издаде жолто ниво на предупредување за денес за југоисточната половина од земјата, каде што се очекуваат врнежи со уште повеќе грмотевици.
