Проф. д-р Веселинка Лаброска е именувана за нова претседателка на Советот за македонски јазик, заменувајќи ја досегашната претседателка, со цел активно унапредување и афирмација на македонскиот јазик преку работата на Министерството за култура и туризам.
Проф. д-р Веселинка Лаброска е новата претседателка на Советот за македонски јазик, соопшти Министерството за култура и туризам.
Tаа доаѓа на местото на досегашната претседателка на Советот, Симона Груевска-Маџоска.
Од Министерството информираат дека Владата на денешната седница го усвоила предлогот за именување на Лаброска, која е дописен член на МАНУ и редовен професор во Институтот за македонски јазик „Крсте Петков Мисирков“ во Скопје.
„Министерството за култура и туризам ѝ посакува успех на проф. Лаброска во работењето и очекува активно и посветено придонесување кон заштитата, унапредувањето и афирмацијата на македонскиот јазик“, се наведува во соопштението.
Покрај Лаброска, членови на Советот за македонски јазик се проф. д-р Илија Велев, проф. д-р Александра Ѓуркова, академик Марјан Марковиќ, проф. д-р Михајло Марковиќ, проф. д-р Марија Паунова, академик Катица Ќулавкова и проф. д-р Гоце Цветановски.
