Американскиот претседател Доналд Трамп изјави дека не верува оти Израел повторно ќе влезе во воено судир со Иран, оценувајќи ја моменталната ситуација како стабилна и наведувајќи ги последните тензии во регионот, вклучувајќи ги нападите на Хезболах и одговорите од Израел.
Американскиот претседател Доналд Трамп изјави дека не верува дека Израел повторно ќе војува со Иран. Во краткиот разговор со дописникот Џејмс Метјуз, Трамп рече дека ситуацијата оди добро, пишува Скај њуз.
Метјуз успеа да му постави само едно прашање на американскиот претседател: „Дали ќе застанете покрај Нетанјаху ако повторно војува со Иран?“ „Не мислам дека тоа ќе се случи. Сè оди многу добро. Иран го прави она што мора да го направи; не мислам дека тоа ќе се случи, во ред?“, одговори Трамп.
Трамп претходно го советуваше израелскиот премиер Бенјамин Нетанјаху да не возвраќа на ирански напад. Метјуз додаде дека се обидел да постави дополнително прашање за тоа што би направил Трамп ако Нетанјаху дејствува против неговите желби, но американскиот претседател го прекина разговорот.
Најновите тензии дојдоа откако Хезболах започна напади врз северен Израел. Израел одговори со напад врз Бејрут, и покрај предупредувањата од САД. Јужното предградие на либанскиот главен град, Дахије, кое е познато како упориште на Хезболах, беше цел на нападот.
Како одговор, Иран ги исполни своите закани и го нападна Израел. Тоа доведе до првата директна размена на оган меѓу Израел и Иран откако беше договорено примирје во април.
