Новиот „Hyundai i20“ пристигнува со изменет дизајн и светла кои потсетуваат на „Lamborghini Revuelto“.
„Hyundai“ го објави првиот тизер од новата генерација на моделот „i20“, откривајќи значително модернизиран дизајн на градскиот хечбек.
Најголемо внимание привлекуваат новите LED дневни светла во форма на буквата Y, поврзани со светлосна лента по целата ширина на предниот дел од возилото, што многумина ги потсетува на решението видено кај „Lamborghini Revuelto“.
Тизерот потврдува дека четвртата генерација на „i20“ ќе има значително поагресивен и помодерен изглед во споредба со актуелниот модел.
Новиот „i20“ ќе се произведува и во Бразил, каде што „Hyundai“ го гледа како модел што ќе ги поврзе класичните хечбек автомобили и SUV сегментот. Поради тоа, одредени верзии би можеле да добијат малку поголем клиренс и поробустен карактер.
Покрај редизајнираниот преден дел, се очекува и нешто „покоцкеста“ форма на каросеријата, нова линија на покривот и поинакви странични прозорци. Димензиите ќе останат слични на сегашниот модел.
Деталите за ентериерот сè уште не се познати, но се очекува новиот „Hyundai i20“ да го добие најновиот мултимедијален систем „Hyundai Pleos Connect“ со голем централен екран, кој веќе беше претставен кај новите електрични модели на брендот.
Премиерата на новиот „Hyundai i20“ се очекува наскоро, а моделот би требало да остане еден од најважните претставници на брендот во Б-сегментот.
