Жена на 78 години од Скопје е сериозно повредена откако автомобил ја удрил во главниот град, а несреќата се случила на улицата „Атанас Митрев“ кога возилото управувано од млад возач ја удрило пешачката. Повредената е пренесена во болница каде ѝ се констатирани тешки телесни повреди.
Седумдесет и осумгодишна жена од Скопје се здобила со тешки телесни повреди откако била удрена од автомобил на улицата „Атанас Митрев“ во Скопје.
Како што информира МВР, несреќата се случила вчера околу 19 часот, кога патничко возило опел вектра со охридски регистарски ознаки, управувано од 24-годишниот Д.В. од Скопје, удрило во пешакот С.О. (78) од Скопје.
Повредената била пренесена во ЈЗУ „Св. Наум Охридски“ во Скопје, каде што ѝ биле констатирани тешки телесни повреди.
Увид на местото на несреќата извршила увидна екипа на СВР Скопје.
