САД одобрија дополнително финансирање од приближно 38 милиони долари за борбата против еболата, зголемувајќи ја вкупната американска помош на над 200 милиони долари. Министерството за надворешни работи најави соработка со властите во Демократска Република Конго и Уганда за брз одговор на епидемијата на ебола.
САД одобрија приближно 38 милиони долари дополнително финансирање на борбата против еболата, со што директната американска помош изнесува над 200 милиони долари, соопшти синоќа Стејт департментот.
Во соопштението се наведува дека американскиот Центар за контрола и превенција на болести ќе соработува со властите во Демократска Република Конго и во Уганда, за да се обезбеди „брз и сеопфатен одговор“ на епидемијата на ебола.
Според Светска здравствена организација (СЗО) во ДР Конго има 344 потврдени случаи на ебола и 60 смртни случаи.
Американскиот Стејт департмент, исто така, соопшти дека граѓаните на САД кои биле изложени на вирусот, но не покажуваат симптоми, ќе бидат ставени во карантин во Кенија, во специјален објект што го гради САД.
