Американскиот претседател Доналд Трамп тврди дека Украина „немаше да издржи ниту еден ден или два“ во војна со Русија без американско оружје и опрема. Тој ја даде изјавата пред новинарите во Белата куќа, објавува „Европска правда“.
„Да не беше нашата војска и нашата опрема, Украина денес немаше да може да се бори за својот опстанок. Им дадовме опрема во вредност од стотици милијарди долари, најдобрата опрема. А ние произведуваме најдобра опрема во светот. Без тоа, тие немаше да издржат ниту еден ден или два“, рече Трамп.
Trump: Ukraine would not have lasted one or two days without American support. Remember the anti tank missiles when Russian tanks got stuck and were destroyed? Obama gave sheets. Trump gave Javelins. We have the greatest military equipment anybody has ever seen. pic.twitter.com/qqPCdUB8ll
— Tymofiy Mylovanov (@Mylovanov) June 5, 2026
Трамп, исто така, се осврна на испораката на противтенковски ракети во Украина, веројатно алудирајќи на преносните системи „Џавелин“ што му беа продадени на Киев за време на неговиот прв претседателски мандат.
„Се сеќавате на противтенковските ракети? Кога тенковите се заглавија во калта, и ги извадија, бум-бум-бум-бум. Тоа им го дадов. Тие рекоа: „Обама ви даде чаршафи, а Трамп ви даде едно од најдеструктивните оружја“, рече американскиот претседател.
Синоќа, Претставничкиот дом на американскиот Конгрес усвои закон со кој се обезбедува воена помош за Украина, поддршка за обновата на земјата и воведување нови санкции против Русија.
Предлог-законот беше ставен на гласање преку посебна постапка, таканаречена петиција за гласање, која ги заобиколи редовните комисии. На демократите им се придружија 18 републиканци и еден независен, Кевин Кајли, чие гласање овозможи да започне процесот.
Во меѓувреме, американскиот шеф на дипломатијата, Марко Рубио, сигнализираше дека наскоро се очекува соопштение за воена помош за Украина во вредност од 400 милиони долари, кое Конгресот веќе го одобри.
