Валентин Манасиевски, портпарол на ВМРО-ДПМНЕ, го критикува министерот Филипче за неговото инсистирање на уставни измени, тврдејќи дека со тоа работи во корист на бугарските интереси и на штета на македонскиот национален идентитет.
„Филипче секојдневно бара Уставни измени, дури повеќе и од Бугарите. Филипче испадна поголем Бугарин дури и од самите Бугари“, вели Валентин Манасиевски, портпарол на ВМРО-ДПМНЕ.
„На Филипче не му се слушаат пофалните зборови на Антонио Кошта во делот на Реформската агенда, како и добиените финансиски средства од Планот за раст, тој оди со главата во ѕид, работејќи во полза на бугарските власти и знае само за една реформа, а тоа е уставни измени.
СДС важи за партија којашто низ историјата на независна Македонија, водела исклучиво погубни политики во делот на евроинтегративниот процес на државата.
Од промена на знаме, име, Устав, до денес барањата на Филипче за редефинирање на историјата, јазикот, културата и идентитетот.
ВМРО-ДПМНЕ нема да дозволи повеќе национални понижувања. Времето на отстапки и исполнување на туѓи агенди заврши“, изјави Валентин Манасиевски, портпарол на ВМРО-ДПМНЕ.
