Меншик го победи „џелатот на Ѓоковиќ“ и испиша историја: Новак е како мој ментор

20-годишиот Меншик испиша историја со победата од 3:0 и стана најмладиот Чех кој се пласирал во едно полуфинале на грен слем турнир, надминувајќи го учинокот на својот далеку попознат сонародник, Иван Лендл.

Меншик беше посебно загреан вчеравечер на „Филип Шатрие“ и го „спакува“ Фонсека со 6:4, 6:3 и 7:6, а по победата која ја оствари, призна дека мотивација му бил и фактот што Бразилецот претходно го елиминираше неговиот идол, Новак Ѓоковиќ.

Фонсека беше сензација на турнирот до четвртфиналето бидејќи елиминираше тенисери како Ѓоковиќ и Руд, но сега главен фокус во полуфиналето ќе има Меншик кој ќе игра против Саша Зверев.

– Секогаш кога имам прилика разговарам со Ѓоковиќ. Имам добар однос со него и се обидувам да научам што е можно повеќе работи. Зборуваме за тенис и за многу други работи. Секогаш кога го гледам, се обидувам да апсорбирам што е можно повеќе работи од него, тој е човек кој постигна се во овој спорт и на него гледам како на свој ментор, – изјави Меншик.