Македонскиот репрезентативец, Агон Елези донесе победа на Сараево над Железничар во големото дерби во последното коло во Босна и Херцеговина.
Ова беше меч кој немаше резултатско значање за двете екипи, но овие средби секогаш се посебни, носат тензија, борба за престиж, покажување дека сте подобри од лутиот ривал и овојпат нашиот Елези беше човек на одлука.
Се играше завршницата на првиот дел кога Агон се најде на вистинското место и ја смести топката во мрежата на гостите за водство од 1-0, резултат кој на крајот се покажа и како конечен.
Ова за офанзивецот кој го понесе признанието за најкорисен играч беше деветти сезонски погодок.
Инаку за домашниот тим целиот меч го одигра дефанзивецот Стефан Ристовски.
