[ВИДЕО] Стравични сцени во Белград: Трамвај излета од шините и удри во зграда, има повредени

Тешка несреќа се случи денес во Белград, кога трамвај излета од шините и удри во зграда. Во несреќата има повредени, но засега не се познати повеќе детали.

Според првите информации од местото на настанот, трамвајот излетал од шините под сè уште неразјаснети околности, по што удрил во зграда до патот, пренесуваат тамошните медиуми.

Силниот судир предизвикал голема материјална штета на трамвајот, но и на фасадата на зградата во која удрил.

Екипи на брза помош, полиција и противпожарна служба се на местото на настанот.

Според првичните информации, во несреќата има повредени лица, но степенот на нивните повреди и точниот број на повредени патници засега не се официјално потврдени.