Тлото се стресе: Земјотрес со јачина од 3,5 степени почувствуван во Скопје

Според првичните податоци од Европско-медитеранскиот сеизмолошки центар (ЕМСЦ), потресот се случил точно во 17:41 часот по локално време.

Во моментот на првата објава магнитудата сè уште не била утврдена, по што подоцна беше објавено дека земјотресот бил со јачина од 3.5 степени според Рихтеровата скала. Граѓани од Скопје, Куманово и околните места на социјалните мрежи наведуваат дека почувствувале кратко, но силно тресење.

Епицентарот на земјотресот бил лоциран во Скопската Котлина, поточно на 21 километар источно од Скопје и на околу 15 километри источно од Кисела Вода.

Сеизмолошките апарати регистрираа дека овој природен феномен бил на релативно мала длабочина, со хипоцентар проценет на 5 километри под површината на земјата.