УЈП ги информира компаниите дека преземањето на екстензии за системот е-Фактура треба да се врши единствено од официјалната веб страница на управата, предупредувајќи за појава на неофицијални екстензии на Chrome web store кои не се одобрени.
Управата за јавни приходи ги известува компаниите кои во моментов тестираат и оние кои се вклучуваат во тестирање на системот „е-Фактура“, да се информираат и раководат исклучиво од она што е објавено на веб страната на проектот е-Фактура https://efakturawiki.ujp.gov.mk/mk-mk/eFaktura-WebAPP, своите прашања и сугестии да ги поставуваат на адресата Kontakt.eFaktura@ujp.gov.mk или до даночните агенти со кои воспоставиле контакт.
Дополнително, Управата за јавни приходи известува дека на Chrome web store се имаат појавено веб екстензии за наводна поддршка на процесот на електронското потпишување на електронската фактура на УЈП (проект кој е фаза на тестирање).
Управата за јавни приходи укажува дека овие веб екстензии на Chrome web store не се развиени од изведувачот на оригиналната екстензија на проектот е-Фактура и во таа насока напоменуваат од таму, преземањето на соодветните екстензии за е-Фактура да се врши исклучиво од веб страната https://efakturawiki.ujp.gov.mk/mk-mk/browser-extension
