ЈП Водовод и канализација – Скопје известува дека денеска ќе има прекин во водоснабдувањето во делови од општините Чаир и Карпош. Овие прекини се поради тековни интервенции и зафати на водоводната мрежа на повеќе локации. Екипите работат на најбрзо можно завршување на активностите за да се нормализира доставата на вода.
Од ЈП Водовод и канализација – Скопје, известуваат дека денеска:
· Поради зафати во водоводната мрежа, на улицата Коста Арашевиќ бб (кај О.У.Хасан Приштина), од 09:00 часот до завршување на интервенцијата, прекинато водоснабдување ќе имаат корисниците од улиците: Коста Абрашевиќ, Цветан Димов, Панче Неделковски, 5-ти Мај и Кемал Ататурк, општина Чаир;
· Поради зафати во водоводната мрежа на булеварот Партизански одреди бр. 48а, од 09:00 часот до завршување на интервенцијата прекинато водоснабдување ќе имаат дел од корисниците од булеварот Партизански Одреди во околината, општина Карпош.
