Во рамки на официјалната посета на Берн, претседателот на Собранието на Северна Македонија, Африм Гаши, оствари серија средби со швајцарски лидери и претставници на агенциите за развој и соработка. Главна тема беше јакнењето на меѓупарламентарната соработка како дел од стратешкото партнерство меѓу двете земји. Средбите посебно го нагласија значењето на Програмата за парламентарна поддршка и улогата на Швајцарија во демократските и евроинтегративни реформи во Северна Македонија. Двете страни изразија подготвеност за продлабочување на соработката и унапредување на институционалните капацитети во иднина.
Во текот на работната посета на Берн, Швајцарска Конфедерација, претседателот на Собранието, Африм Гаши, заедно со парламентарната делегација, имаше средби со претседателот на Сојузниот парламент на Швајцарија, Пјер-Андре Паж, како и со претставници на Швајцарската агенција за развој и соработка (SDC).
На оваа средба со претседателот Паж, беше изразено задоволство од високото ниво на билатерални односи меѓу двете земји и изразена силна волја за нивно дополнително унапредување. Учество земаа во изнесување на важноста на продлабочување на меѓупарламентарната соработка преку споделување на искуства, идеи и најдобри практики со цел јакнење на капацитетите и демократијата. Претседателот Гаши истакна континуираната и значајна поддршка од Швајцарија во реформските и евроинтегративните процеси во Северна Македонија.
При средбата со раководството на SDC, во која учествуваа амбасадорот Кристијан Фрутигер, како и помошник-генералниот директор и раководителите на тематските сектори, беше истакната долгогодишната поддршка за развојот на демократијата, јакнењето на институциите и реформските напори во нашата земја.
Конкретно, беше нагласена улогата на Програмата за парламентарна поддршка (PSP), која ја спроведува НДИ, како клучен елемент во стратешкото партнерство меѓу Собранието и Швајцарија. Оваа програма им помогна на институциите во развојот на Парламентарниот институт, зајакна административните и истражувачки капацитети, унапреди транспарентноста и отчетноста на парламентот, како и го поддржа процесот на дигитализација и модернизација на парламентарното работење.
Партнерите ја потврдија заедничката посветеност за продлабочување на соработката и поттикнување на натамошен развој на демократските стандарди и институционалните способности.
