Генерал-мајор Сашко Лафчиски, началник на Генералштабот на Армијата, како дел од официјална делегација, е во посета на Вооружените сили на Албанија од 11 до 13 мај 2026 година. Посетата се фокусира на унапредување на воената соработка, регионална безбедност и зајакнување на партнерските односи меѓу двете армии во рамки на НАТО. Во текот на престојот ќе се реализираат официјални средби со високи албански воени и политички претставници како и посета на Полкот за специјални операции, со цел да се зајакнат сојузничките врски и колективната одбрана.
Делегација од Армијата предводена од началникот на Генералштабот, генерал-мајор Сашко Лафчиски, од 11 до 13 мај 2026 година ќе реализира официјална посета на Вооружените сили на Република Албанија.
Во текот на оваа посета, генерал Лафчиски ќе се сретне со својот албански колега, началникот на Генералштабот на албанските вооружени сили, генерал-потполковник Арбен Кинџи. Предвидена е и средба со министерот за одбрана на Албанија, г. Ермал Нуфи.
Тематиката на разговорите ќе опфати унапредување на билатералната воена соработка, размена на искуства, зајакнување на регионалната и колективна безбедност и стабилност, како и соработка при справување со кризни ситуации.
За време на посетата, генерал Лафчиски ќе го посети и Полкот за специјални операции на албанските вооружени сили, каде ќе биде претставена демонстрација на нивните способности.
Оваа посета ја потврдува високата оценка за партнерските отношенија меѓу двете армии и заедничката посветеност на НАТО и регионалната стабилност.
