Во областа околу Чернобил избувна голем пожар кој за кратко време се прошири десетпати повеќе од првичното. Иако пожарот предизвикува зголемување на радиоактивниот чад во зоната на исклучување, властите нагласуваат дека за сега нема опасност за населението во пошироката околина. Пожарникарите се опремени со специјална заштита, додека експертите ја следат состојбата за да спречат ширење на радијацијата.
Опсежен пожар избувна во зоната за исклучување околу Чернобил, а за само 24 часа неговата површина значително се зголеми, речиси десеткратно.
Местото е под постојано набљудување од Државниот научно-технички центар за нуклеарна и радијациска безбедност на Украина, при што моментално не постои закана од радијација за населението надвор од оваа затворена зона.
Надлежните служби редовно ги анализираат условите, движењето на чадот и временските фактори, како и ризикот од ширење на радиоактивни честички.
Раководителот на лабораторијата за проценка и прогноза на радиоактивни ризици, Јуриј Кириленко, истакна дека моменталните предвидувања не сугерираат опасност за граѓаните надвор од зоната.
Тој исто така посочи дека најголема опасност претставува за пожарникарите и персоналот кој е вклучен во гаснењето, поради потенцијален контакт со чад и радиоактивна прашина.
Fires in the #Chernobyl exclusion zone means bioaccumulated radiation in the trees and vegetation are becoming airborne. Now those radioisotopes from the nuclear disaster reenter the environment, risking mutations in wildlife.
— #ahemNUKE #ahemENVIRO pic.twitter.com/GNO4Fv1eAk https://t.co/YF28EHYnVd— aHEMagain Actual (@aHEMandias) May 9, 2026
Пожарникарите користат заштитна опрема од највисок тип
Украинските власти предупредуваат дека има ризик од изложување на радијација во рамките на областа каде што гори пожарот, но сите спасувачки екипи работат со соодветна заштитна опрема.
Специалистите истакнуваат дека поради високата температура и долго траењето на пожарот, чадот и честичките можат да се подигнат во повисоките слоеви на атмосферата и да патуваат на значајни растојанија.
На некои места, радиоактивните честички можат привремено да се спуштат на земјата преку дожд или прашина.
Massive wildfire burns through Chernobyl exclusion zone following UAV crash in Ukraine
#ukrainewar #chernobylfire #chernobyl #chernobyldronecrash https://t.co/Mq8bSNHrbi pic.twitter.com/tOOgabNrfn
— boppinmule (@boppinmule) May 10, 2026
Un gran incendio forestal se está propagando por la zona de exclusión de #Chernobyl, causado por el inciente de un drone. Sequía, vientos y minas, dificultan la extinción: Ha deborado ya 1.100 hectáreas. Riesgo evidente de aumento y dispersión de radiaciónhttps://t.co/FgTZ679tvx
— Fernando Durán
(@durolandia) May 9, 2026
Радијацијата во соседните земји останува стабилна
Украинските научници посочуваат дека пожарот не создава нови радиоактивни материи, туку само мобилизира и прераспределува веќе присутните во природата.
Во моментот нема регистрирани зголемувања на радијационото ниво надвор од областа во близина на Чернобил.
И Латвија потврди дека не е забележано зголемување на радијацијата на нејзина територија.
Денес
