Во текот на два дена кај нас се изречени над 1400 сообраќајни казни, а 21 возач е уапсен поради сериозно прекршување на правилата, вклучувајќи возење под дејство на алкохол и без возачка дозвола. Контролите на патиштата се во тек, а полицијата инсистира на почитување на сите прописи за поголема безбедност во сообраќајот.
За два дена (од 09 до 10 мај 2026 година), во рамките на редовните сообраќајни проверки на полицијата од сите сектори низ целата земја, се издадени вкупно 1433 платни налози. Од нив, 861 прекршок се однесуваат на возачи кои го прекршиле ограничението на брзината, јавуваат од надлежните служби.
Во текот на контролите, 21 лице е лишено од слобода поради безобѕирно возење. Меѓу нив, петмина биле фатени додека управувале под дејство на алкохол, 11 лица возеле без возачка дозвола, а пет други имале претходно изречена забрана за управување со возило.
Седум возила се одземени во согласност со член 300-б од Кривичниот законик. Дополнително, во истото време се регистрирани 176 прекршоци за неправилно паркирање, како и 45 казни за управување под влијание на алкохол.
Исто така, 15 возачи на мотоцикли биле казнети поради неносење заштитен шлем, а девет пешаци добиле санкции за прекршоци. Покрај тоа, 75 возачи не користеле сигурносен појас. Според Законот за возила, 11 возила биле отстранети од сообраќај поради нерегистрираност, а едно возило поради техничка неисправност. Двајца возачи биле казнети и поради непочитување на пропишаните услови за затемнување на стаклата на возилата.
Сообраќајните проверки ќе продолжат и во наредните денови, а од МВР упатуваат апел до сите учесници во сообраќајот да ги почитуваат правилата за заедничка безбедност на патиштата.
