Цените на нафтата повторно растат поради влошувањето на односите меѓу САД и Иран, откако Техеран го одби американскиот предлог. Зголемувањето на вредноста на барелот над 100 долари го отсликува чувствителниот пазар кој реагира на секоја негативна вест од преговорите. Поради ова, растат и сметките за енергија и цените на основните продукти, создавајќи дополнителен притисок врз граѓаните.
Цената на нафта тип Брент се зголеми за околу 4%, поради зголемените тензии меѓу Иран и САД, па сега барел од суровината се продава за околу 105 долари. Ова е највисоко ниво забележано од средината на минатата недела. Иако цените во некои моменти ја надминаа границата од 120 долари поради конфликтот, сегашното покачување го демонстрира колку е чувствителен пазарот на негативни вести од преговорите.
Покачени трошоци и поскап живот
Цената на нафтата која упорно се задржува над 100 долари, заедно со прекини во снабдувањето, влијае на секојдневниот живот. Ова се рефлектира во зголемени сметки за енергија и повисоки цени на основните производи, кои поскапуваат поради поскап транспорт и производство.
Според експертите, цените може дополнително да се зголемуваат доколку ситуацијата во Персискиот Залив не се стабилизира, а досега дипломатските напори не дале резултати.
Реакција на Трамп по одбивањето на предлогот
Ценовниот бран следеше по категоричното одбивање на иранскиот предлог од страна на САД. Доналд Трамп објави на социјалните мрежи дека иранскиот контрапредлог кој пристигнал во Вашингтон е "целосно неприфатлив".
Иако деталите околу предложените решенија не се објавени, jасно е дека договорот засега е далеку. Со застојот во преговорите, наглите реакции на пазарот на нафта се неизбежни на секој сигнал за продолжување на конфликтот.
Текстот е објавен без извори.
