Никол има многу близок однос со децата, но често, поради нејзината искреност, знае дека, како што вели, да ги „засрами“ јавно.
Никол Кидман, ги има ќерките Сандеј (17) и Фејт (15) од бракот со Кит Урбан, додека од претходниот брак со Том Круз ги има и децата Изабела (33) и Конор (31).
Иако е голема холивудска ѕвезда, Никол признава дека сè уште успева да ги „расипе“ своите деца одвреме-навреме.
На јавен настан во Филаделфија, како дел од „HISTORYTalks“, каде што разговараше со поранешната водителка на шоуто „Today“, Хода Котб, актерката зборуваше за семејниот живот и воспитувањето.
Во таа прилика, таа откри дека има посебно правило за своите помлади ќерки, дневно прегрнување од две минути.
„И двете ќе ме убијат што го кажувам ова, но јас им велам: „Мора да ме прегрнувате по две минути на ден“, изјавила таа со насмевка „Тоа ослободува одредени хемикалии во телото и на секого му е потребна прегратка од околу две минути на ден. Дали го знаевте тоа?“.
Никол истакнала дека е многу блиска со своите ќерки, кои ги опишува како „извонредни“, и дека најголемо задоволство ѝ е гледајќи ги како ги градат своите личности.
„Мајка ми ми велеше: „Никогаш не дозволувај никој да ти го скрши духот“, додала таа, објаснувајќи дека сега таа лекција им ја пренесува на своите деца. Нагласила дека се многу поврзани и дека зборуваат за сè.
Семејството помина низ големи промени во текот на изминатата година, откако Никол и Кит објавија дека се разведуваат во септември по 19 години брак, кој беше финализиран во јануари.
Актерката неодамна зборуваше за тоа како се чувствува по разводот. На почетокот на април, таа изјави: „Добро сум. Се држам цврсто, и тоа е добро место за да се биде така“.
Во интервју за „Variety“, таа за првпат отворено зборуваше за разводот и призна дека 2025 година била тешка година за неа.
„Бев повлечена. Имав и други работи што се случуваа. Бев во мојата школка“, изјавила таа. Директно осврнувајќи се на разделбата со Кит, таа додала:
„Добро сум, бидејќи секогаш се движам кон она што е добро“, нагласувајќи дека нејзиното семејство отсекогаш било и останува нејзин прв приоритет.
