Унгарскиот премиер, Виктор Орбан, ги отфрли критиките за неговите блиски врски со Русија, велејќи на митинг дека никој од Москва не дошол да го поддржи.
„Не беа Русите кои ја посетија Унгарија за да ме поддржат оваа недела, туку потпретседателот на САД“, рече Орбан во извадок објавен од неговиот меѓународен портпарол Золтан Ковач.
Орбан нагласи дека Унгарија останува дел од Западот, но додаде дека „се грижи за тоа што се случува во Западна Европа“.
Тој особено ги критикуваше германските христијански демократи. „Нè боли што германската ЦСУ стана толку левичарска партија што соработката со нив стана невозможна. Денес, нашето најсилно сидро кон западниот свет не се нашите сестрински партии во Германија, туку републиканците во САД со кои соработуваме“, заклучи унгарскиот премиер.
За потсетување, Унгарија беше критикувана за нејзините блиски врски со Русија откако беа објавени информации за контакти меѓу унгарскиот министер за надворешни работи, Петер Сијарто, и рускиот министер за надворешни работи, Сергеј Лавров.
