Денвер влезе во најдобра форма во најважен дел од сезоната и веќе извесно е дека го осигура третото место пред плејофот, а тоа значи дека ќе има предност од домашен терен во воведните рунди во разигрувањето.
Нагетси во првите две четвртини наидоа на проблеми против мотивираниот Мемфис и се доби впечаток дека гостите се дојдени за да играат за победа, но кога дојде моментот на вистината, фаворитот додаде гас и на крајот оствари рутинска победа.
Никола Јокиќ и во мирна и лесна вечер успеа да запише трипл-дабл и го заврши мечот со 14 поени, 16 скокови и 10 асистенции, но за него далеку поголемо изненадување беше она што го дозна по крајот на мечот кој заврши со резултат 136:119.
За првпат во ерата на Јокиќ во НБА лигата, Денвер запиша десетта победа во низа, податок кој го изненади и самиот Србин.
– Навистина не го знаев овој податок, но секако имаме добар крај на регуларниот дел од сезоната. Се надевам дека ќе продолжиме во тој тренд , со добра игра и со победи во најважниот дел од сезоната, – изјави Јокиќ.
Successo per i Nuggets sui Grizzlies, il decimo consecutivo in questo finale di stagione regolare per Denver: per la prima volta nella sua carriera in NBA, 10 vittorie consecutive in regular season per Nikola Jokic.#NbaTipopic.twitter.com/2XGGZLwnBp
— Marco A. Munno (@MarcoAMunno) April 9, 2026
НБА резултати:
Кливленд – Атланта 122:116
Детроит – Милвоки 137:111
Орландо – Минесота 132:120
Денвер – Мемфис 136:119
Сан Антонио – Портланд 112:101
ЛА Клиперс – Оклахома 110:128
Феникс – Далас 112:107
