[ФОТО/ВИДЕО] Се појавиле со долги цевки, па почнало пукање! Маскирани напаѓачи се обиделе да извршат атентат во израелскиот конзулат во Истанбул?! Излегуваат морничави детали од престрелката во центарот на градот

„Три лица се неутрализирани, а двајца осомничени се убиени. Двајца полицајци се повредени во престрелката – соопшти Полициската управа на градот Истанбул и појасни дека третиот напаѓач е повреден, пренесува „Hurriyet“.

Како што наведуваат очевидци, престрелката во Бешикташ, дел од градот каде што се наоѓа конзулатот, траела околу десет минути.

Според првичните информации, тројца напаѓачи се обиделе да извршат атентат на седмиот кат од зградата на конзулатот. Обезбедувањето и полицајците на влезот ги забележале напаѓачите како носат оружје со долги цевки и ги предупредиле да застанат со отворање оган, по што следела жестока престрелка.

Веднаш по почетокот на престрелката, двајца од напаѓачите биле убиени од полициските сили. Третиот напаѓач се засолнил зад возило и продолжил да пука кон полицијата.

Како што пренесува „Hurriyet“, неговата цел била да влезе во зградата и да стигне до конзулатот. Кога полицијата реагирала, и третиот напаѓач бил ранет со огнено оружје, по што подоцна бил уапсен.

Во моментов се засилуваат безбедносните мерки во тој дел од градот, бидејќи се верува дека може да има и други напаѓачи.