Љубовта цвета! Џенифер Анистон (57) покажа како ја поминала претходната недела, а во објавата на Инстаграм фотографиите на нејзиното момче заземаат важно место.
Анистон ја поминала неделата со своите пријатели, Кортни Кокс, Џејсон Бејтмен и Шон Хејс, меѓу другите, и секако со своето момче Џим Кертис (50). Актерката објави фотографија на која се прегрнуваат, а потоа и една негова фотографија каде позира со куче.
На Инстаграм се коментира дека се прекрасен пар, создадени еден за друг, па дури и дека малку наликуваат, истакнувајќи дека имаат ист облик на лице.
Парот ја официјализираше својата врска во ноември минатата година, кога таа му го честиташе роденденот. Во јули 2025 започнаа гласини за нивната романса откако беа видени заедно на Мајорка, во друштво на нејзините пријатели.
Да потсетиме, Џенифер Анистон зад себе има брак со Џастин Теру и Бред Пит. Со двата поранешни сопрузи е во добри односи. Долго се зборуваше дека копнее по Бред, но сега таквите приказни стивнаа од очигледна причина.
Во ноември минатата година се шушкаше дека подготвуваат венчавка. Експертот за хипноза Џим Кертис сè уште не ја запросил актерката, но тоа го планира, тврдат извори, пишува „RadarOnline“. Џенифер сака венчавка како од љубовен роман, церемонија која го почитува и нејзиното минато и корените на нејзиниот партнер.
„Џен можеше да каже дека веќе имала венчавка од соништата кога таа и Бред се венчаа пред 25 години во Малибу. Но, Џим стана зрак сонце во нејзиниот живот и со него доаѓа шансата тоа конечно да го направи како што треба“, тврдат извори. Актерката сака „посликовита венчавка“ од претходните.
Пријателите се изненадени бидејќи Џенифер и Џим толку брзо размислуваат за венчавка, знаејќи го нејзиниот досегашен став дека бракот е застарена форма, но се убедени дека таа е многу среќна во новата врска.
Џенифер и Џим наводно избрале совршена локација за венчавка – во Грција, каде е роден нејзиниот татко Џон Анистон, поточно на островот Крит.
Ѕвездата од серијата „Friends“ години наназад го слави и православниот и католичкиот Божиќ. Интересно е што и нејзиното момче е по потекло од Грција.
„Тие сакаат да се венчаат на место опкружено со древни рушевини и прекрасни природни пејсажи. И повеќе од тоа, сакаат идеја за размена на завети во зори со поглед кон Егејското Море“, изјави изворот и додаде дека парот планира венчавка во православна црква.
Џен сонува за венчавка во земја каде нејзиното срце се чувствува како дома.
