Двајца демократски членови на Претставничкиот дом на САД ја посетија Куба, што е прва ваква делегација оваа година, по воведувањето на нафтено ембарго од страна на американскиот претседател Доналд Трамп.
Прамила Џајапал и Џонатан Џексон изјавија дека ја посетиле земјата за да го видат „страдањето на терен“ предизвикано од ембаргото, кое го нарекоа „незаконска блокада на енергенси“.
Посетата доаѓа во време на зголемени тензии меѓу САД и Куба. Администрацијата на Трамп го ограничила испраќањето пари кон Куба, им се заканила со царини на земјите што ја снабдуваат со нафта и ја ставила Куба на листата на држави што поддржуваат тероризам.
„Луѓето страдаат. Неоправдано страдаат“, изјави Џексон.
Пратениците се сретнале со кубанскиот претседател Мигел Дијаз-Канел и други високи функционери. Тие навеле дека има почетни разговори меѓу двете земји, но без конкретни детали.
Трамп неодамна изјави дека очекува „да ја преземе Куба во некоја форма“, но не презел мерки за да запре руски танкер што испорачал 700.000 барели нафта.
Пратениците порачаа дека ќе продолжат да се залагаат САД да не влезе во конфликт со Куба и да се укинат санкциите.
