Иран нема повторно да го отвори Ормускиот теснец во замена за „привремен прекин на огнот“, изјави за Ројтерс висок ирански функционер, додавајќи дека Техеран верува дека Вашингтон не е подготвен за траен прекин на огнот.
Функционерот потврди дека Иран добил предлози за итно примирје и ги разгледува, но додаде дека Техеран не прифаќа да биде притиснат да не се согласи со роковите и да донесе одлука.
Рамката за прекин на борбите ја изготви Пакистан и ја испрати до Иран и САД преку ноќ, изјави извор на Ројтерс.
Американскиот портал „Аксиос“ објави синоќа дека САД, Иран и регионалните медијатори разговараат за потенцијален 45-дневен прекин на огнот како дел од двофазен договор што би можел да доведе до траен крај на војната, повикувајќи се на американски, израелски и регионални извори.
Според предлогот, Ормускиот теснец би бил повторно отворен, а завојуваните страни би имале помеѓу 15 и 20 дена да финализираат поширок договор.
