Финскиот претседател Александер Стуб изјави дека разговарал со иранскиот претседател Масуд Пезешкијан и повика на итен прекин на огнот и дипломатско решение, пренесе Анадолу.
„Итно се потребни прекин на огнот и дипломатско решение“, напиша Стуб, нагласувајќи дека дијалогот мора да продолжи и покрај разликите.
Тој побара да престанат нападите врз соседните земји и да се отвори Ормускиот теснец, кој е речиси блокиран од почетокот на март поради ескалацијата на конфликтот на Блискиот Исток.
