Иран погуби тројца демонстранти осудени за убиство на двајца полицајци за време на националните антивладини протести во јануари, објави „Ројтерс“, повикувајќи се на иранската судска новинска агенција „Мизан“.
Иранското судство објави дека тие се прогласени за виновни за убиство и „водење војна против Бога“, со обвинувања дека дејствувале во корист на Израел и САД.
Протестите започнаа како реакција на економската ситуација, а подоцна прераснаа во широки, национални демонстрации против иранската влада.
Според американската организација Новинска агенција на активисти за човекови права (ХРАНА), околу 6.488 демонстранти беа убиени за време на протестите. Овој број не ги вклучува 236 деца, 76 лица кои не учествувале во протестите и 207 припадници на војската и владините сили кои исто така ги загубија своите животи.
ХРАНА соопшти дека сè уште анализира околу 11.744 случаи по бруталното задушување на протестите од страна на иранските безбедносни сили.
