Лука Дончиќ игра импрресивно во последно време, а тие негови партии придонесоа Лос Анџелес Лејкерс да влезе во ритам и забележи шест победи во низа.
Најновата дојде во дербито на Западот против Хјустон Рокетс каде „езерџиите“ како гости триумфираа со 100:92. Словенецот шести меч во низа „испука“ 30+ кошеви или поточно неговиот учинок против „ракетите“ беше 36 поени, 6 скока и 4 асистенции.
Уште тројца играчи беа двоцифрени, Џејмс уфрли 18, Ривс 15 и Смарт 11 кошеви, односно сега Лејкерс со ефект 43-25 е на третото место во западната конфереција зад Оклахома Сити Тандер и Сан Антонио Спарс.
Кај поразените Смит Џуниор беше прв стрелец со 22 поени.
Голден Стејт Вориорс го доби Вашингтон Визардс со 125:117 и со тоа тренерот Стив Кер конечно дојде до 600 победа во кариерата. Тој стана четврти најбрзи тренер со ваков резултат по Фил Џексон, Пет Рајли и Грег Попович.
Инаку Стив како играч имаше 601 триумф и сега заедно со Дон Нелсон се единствени кои како активни кошаркари и тренери успеале да слават на 600+ мечеви во најдобрата кошаркарска лига на светот.
РЕЗУЛТАТИ
Атланта – Орландо 124-112
Вашингтон – Голден Стејт 117-125
Бостон – Феникс 120-112
Бруклин – Портланд 95-114
Чикаго – Мемфис 132-107
Њу Орлеанс – Далас 129-111
Хјустон – ЛА Лејкерс 92-100
ЛА Клиперс – Сан Антонио 115-119
Денес
