Американскиот претседател Доналд Трамп вчера се обиде да објасни зошто САД, заедно со Израел, започнаа војна против Иран, велејќи дека верува оти Техеран се подготвува да ги нападне САД.
„Ситуацијата многу брзо се приближуваше кон точката од која нема враќање. Врз основа на она што ми го кажуваа Стив, Џаред, Пит и другите, Марко беше исто така многу вклучен, мислев дека ќе нè нападнат“, им рече Трамп на новинарите на прес-конференција во Флорида.
Тој додаде дека верува оти Иран ќе започнел напад доколку американската војска не дејствувала кога го сторила тоа. „Мислев дека ќе нè нападнат ако не го сториме тоа тогаш. Мислам дека имале намера да нè нападнат“, рече Трамп.
Во изјавата, тој спомена неколку од неговите најблиски соработници, вклучувајќи го специјалниот пратеник за Блискиот Исток Стив Виткоф, неговиот зет и советник Џаред Кушнер, министерот за одбрана Пит Хегсет и државниот секретар Марко Рубио.
