За време на разговор со Метју Меконахи на настан организиран од „CNN“ и „Variety“, Шаламе зборуваше за иднината на кината и за тоа како да се привлече публиката во кино салите. Во таа прилика рече дека не би сакал да работи во области како што се балетот или операта, бидејќи понекогаш се чини дека луѓето се обидуваат „да одржат нешто во живот иако за тоа повеќе никому не му е грижа“. Публиката на тоа реагираше со смеа, меѓутоа многу други не.

Се огласија бројни негови колеги, но и луѓе кои се занимаваат со овие видови уметност, критикувајќи ги неговите површни ставови.

Откако неговите зборови станаа вирални, водителките на емисијата „The View“ остро го критикуваа. Сани Хостин неговите коментари ги нарече „површни и празни“, нагласувајќи дека е особено разочарана бидејќи и самата е поврзана со танцовата заедница.

Вупи Голдберг исто така реагираше и го предупреди Шаламе да биде внимателен кога зборува за други уметнички дисциплини, нагласувајќи дека таквите изјави можат да бидат навредливи за луѓето кои го посветиле животот на тие уметности.

Дали тоа ќе го чини Оскар?

Шаламе до неодамна беше холивудското златно момче и еден од фаворитите за освојување на Оскар овој викенд. Кога рече дека „никому повеќе не му е грижа“ за балетот или операта, очигледно не очекуваше дека тие забелешки ќе ги заинтересираат луѓето доволно за да предизвикаат бура.

Кога Шаламе неодамна рече дека „никому повеќе не му е грижа“ за балетот или операта, очигледно не очекуваше дека тие забелешки ќе ги заинтересираат луѓето доволно за да предизвикаат бура.

Во меѓувреме, поткастот за поп-култура „The Spill“ својата нова епизода ја наслови „Зошто официјално завршивме со Тимоти Шаламе“ и го постави прашањето: „Дали ерата на Тимоти официјално заврши?“.

Шефот на лондонскиот оддел на „Variety“, Алекс Ритман, изјави за „BBC“ дека контроверзијата кулминирала по завршувањето на гласањето за Оскарите, така што веројатно нема да има „некое големо влијание“ врз исходот.

Меѓутоа, плимата веќе се сврти против Шаламе во трката за Оскар откако не успеа да ги освои двете најголеми и најнови награди за загревање – на доделувањето на „BAFTA“ и „Actor Awards“.

Негови конкуренти се Мајкл Б. Џордан („Sinners“), Леонардо Ди Каприо („One Battle After Another“), Итан Хок („Blue Moon“) и Вагнер Моура („The Secret Agent“).

Јавниот углед на Шаламе во последно време е нарушен, а неговиот стремеж да стане „еден од великаните“ наведе некои обожаватели да посакаат тој да биде малку посуптилен.

Други ја пофалија неговата транспарентност, велејќи дека и другите холивудски актери би требало да бидат поотворени во врска со својата крајна цел.