Објавен е првиот трејлер за долгоочекуваниот акциски трилер на Гај Ричи „In the Grey“, кој ја носи препознатливата мешавина на режисерот од жестока акција, експлозии и остар британски хумор. Во главните улоги се Хенри Кавил и Џејк Џиленхол, а филмот ќе има премиера во кината на 15 мај.
Грабеж што се претвора во војна
Дејството следи таен тим од елитни оперативци кој има задача да се пресмета со немилосрден деспот и да украде милијарда долари кои тој без срам ги присвоил. Како што открива трејлерот, главниот дел од акцијата го носат двајца клучни членови на тимот: самоуверениот Американец Бронко, кого го игра Џејк Џиленхол, и прагматичниот Британец Сид, кого го толкува Хенри Кавил. И двајцата се врвни експерти за оружје и експлозиви, а со тимот управува ликот на Еиза Гонзалес.
Според официјалниот синопсис, „она што започнува како невозможен грабеж се претвора во нешто многу полошо – сеопфатна војна на стратегија, измама и преживување“.
Во филмот глумат и Кристофер Хивју, Емет Џеј Скeнлан, Џејсон Вонг, Мајкл Ву, Фишер Стивенс, Розамунд Пајк и Карлос Бардем.
Ричи не запира со нови проекти
„In the Grey“ е само еден во низата проекти што Ричи ги реализираше во последните години. Откако во 2023 година соработуваше со Џиленхол на филмот „The Covenant“, во 2024 година го сними „The Ministry of Ungentlemanly Warfare“ со Кавил во главната улога, а минатата година и „Fountain of Youth“, во кој глумеше Гонзалес.
Неговиот филм „Wife and Dog“ моментално е во постпродукција и треба да излезе оваа година, додека „Viva La Madness“ е во фаза на продукција. На телевизиски план, по минатогодишната серија „MobLand“, за која е нарачана втора сезона, „Prime Video“ неодамна ја објави неговата серија „Young Sherlock“, додека втората сезона на хитот на „Netflix“, „The Gentleman“, е снимена и чека датум на излегување.
