Американската војска соопшти дека во неделата убила шест лица во напад врз брод за кој се сомнева дека шверцувал дрога во источниот Пацифик. Нападот е дел од кампањата на администрацијата на Трамп против таканаречените „наркотерористи“, а најновиот инцидент го зголемува бројот на жртви од почетокот на кампањата во септември минатата година на најмалку 157, објави „Гардијан“.
Како и во повеќето претходни изјави за повеќе од 40 познати напади во источниот Пацифик и Карибите, Јужната команда на САД соопшти дека тие ги таргетирале осомничените шверцери на дрога по познати рути. Војската не обезбеди докази дека бродот всушност носел дрога. На социјалните мрежи објави видео на кое се гледа како мал брод експлодира на море.
On March 8, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/hIXMDeDKK5
— U.S. Southern Command (@Southcom) March 9, 2026
Претседателот Доналд Трамп изјави дека Соединетите Американски Држави се во „вооружен конфликт“ со картелите во Латинска Америка, оправдувајќи ги нападите како неопходна ескалација за да се спречи протокот на дрога во Соединетите Американски Држави. Сепак, неговата администрација понуди многу малку докази за да ги поткрепи тврдењата за убивање „наркотерористи“.
