Тенисерот Новак Ѓоковиќ на нешто потежок начин се пласираше во третото коло на Мастерсот во Индијан Велс, откако по пресврт во три сета го совлада Полјакот Камил Мајжак со 2:1 (4:6, 6:1, 6:2).
Ѓоковиќ веќе десет години нема освоено титула во Калифорнија, па сака сега да покаже дека во него сè уште има доволно енергија и уште еднаш да го потврди епитетот „најдобар на сите времиња“. Сепак, ова му беше прв меч по Австралија опен, каде што играше одлично и стигна до финалето, па и тоа придонесе Ѓоковиќ да има потешкотии против Мајжак.
Дополнително, високите температури и тешките временски услови им создаваа проблеми на двајцата тенисери, па често им беа потребни подолги паузи за да ја продолжат играта.
Después de un punto de más de 40 intercambios, Djokovic se fue fuera de la vista de todos para vomitar 🤮
— José Morón (@jmgmoron) March 7, 2026
Condiciones muy difíciles para cualquiera. pic.twitter.com/1Y7L8G8g8P
Во еден момент многумина во публиката се изненадија кога Ѓоковиќ се повлече зад рекламните паноа, каде што поврати, пишува „Телеграф,рс“.
Публиката реагираше зачудено и загрижено, но набрзо се покажа дека со српскиот тенисер е сè во ред. По првиот сет во кој Мајжак пружи силен отпор, Ѓоковиќ во продолжението рутински стигна до победа и пласман во следното коло.
Во третото коло тој ќе игра против Американецот со српско потекло Александар Ковачевиќ
