Возачот на „Mercedes“, Џорџ Расел, ќе стартува од пол позицијата на првата трка од новата сезона во Формула 1 во Австралија.
Во квалификациите на патеката Алберт Парк во Мелбурн, Британецот заврши пред својот италијански колега Андреа Кими Антонели („Mercedes“) и Французинот Исак Хаџар („Red Bull“) за 293, односно 785 илјадити делови од секундата.
Шарл Леклер („Ferrari“) се квалификуваше како четврти, додека двоецот на „McLaren“, Австралиецот Оскар Пјастри и светскиот шампион, Британецот Ландо Норис, ќе стартуваат од третиот ред.
Max Verstappen is OUT of Qualifying, with no time set! 😳
— Formula 1 (@F1) March 7, 2026
This is the moment where the Red Bull driver spins into the wall at Turn 1 👇#F1 #AusGP pic.twitter.com/M2XKoapEMl
Макс Верстапен изгуби контрола над својот „Red Bull“ и странично се заби во оградата на патеката Алберт Парк.
„Автомобилот едноставно се блокираше одзади. Фантастично“, цинично порача Холанѓанецот преку радиоврска.
Четирикратниот светски шампион не успеа да постави време и ќе мора да се надева на голем камбек од 20. стартна позиција на првата трка од сезоната.
