Никол Шерцингер уште еднаш ги покажа своите вештини на сцената, но и во изборот на вистинските модни парчиња за посебни пригоди.
Пејачката Никол Шерцингер, која се памети како поранешна членка на поп-групата „Пусикет Долс“, неодамна настапи на гала настан во Флорида. Во таа пригода, таа покажа неверојатни вокални способности, но и извонреден вкус за гламурозни модни парчиња.
Имено, Никол се појавила на сцената во навидум едноставна тоалета која ја следи линијата на телото и ја истакнува нејзината витка фигура. Забележливо беше и длабоко деколте кое ги истакнуваше нејзините бујни гради, а не треба да се изостави ни наметката, која беше драматичен детаљ од овој стајлинг.
Изданието го комплетирала со високо стилизирана пунџа, шминка во земјени тонови што ги истакнува нејзините црти на лицето, но и со дијамантски додатоци што го потврдија овој гламур на сцената.
Ви се допаѓа ли оваа модна комбинација?
